Народны каляндар. 10 снежня пачыналі падлёдную лоўлю рыбы

10 снежня па народным календары імяніны ў Аляксея, Андруся, Барыса, Васіля, Гаўрылы, Змітра, Мікалая, Нікана, Рамана, Серафіма, Сяргея, Уладзіміра, Усевалада, Хведара, Тэклі, Якуба, Яна. Нашы продкі прыкмецілі, што ў гэты час рыба рыхтуецца да зімоўкі – хаваецца ў зімавальных ямах і вірах. На нераст ідуць мянтуз, сіг і рапушка. З гэтага дня пачыналася падлёдная лоўля снятка (корушкі).

Была такая прыкмета: калі стаіць марознае надвор'е, то такое яно будзе аж да 18 студзеня.