пят, 23.04.2021
horki.info в Viber horki.info в Instagram horki.info в Одноклассниках horki.info в ВК horki.info вFacebook horki.info в Twitter Новости horki.info по почте

Прафесар БДСГА прызнаны самым актыўным удзельнікам акцыі "Аграрная навука па-беларуску"

18.03.2021 – 23:07 | 813

Навукова-асветніцкую акцыю "Аграрная навука па-беларуску" правяла з 25 студзеня па 21 лютага сельскагаспадарчая бібліятэка імя І.С.Лупіновіча Нацыянальнай акадэміі навук. Удзельнікі даслалі каля ста публікацый на беларускай мове, што тычыліся сельскай гаспадаркі і сумежных галін.

Гэта былі артыкулы ў навуковых часопісах і зборніках, даклады і тэзісы канферэнцый, кніжныя выданні. Іх аўтары – прадстаўнікі сельскагаспадарчай акадэмічнай навукі і прафесарска-выкладчыцкага складу ўстаноў вышэйшай аграрнай адукацыі.

Найбольш актыўным прызнаны Віктар Мікалаевіч Босак – доктар сельскагаспадарчых навук, прафесар, загадчык кафедры бяспекі жыццядзейнасці БДСГА.

Акцыя "Аграрная навука па-беларуску" была прымеркаванай да Дня беларускай навукі і Дня беларускай мовы. Яе праводзілі для папулярызацыі беларускай мовы і пашырэння яе ўжытку ў айчыннай аграрнай навуцы, а таксама для падтрымкі развіцця навуковай сельскагаспадарчай тэрміналогіі.

Акрамя навуковай значнасці публікацыю, прадстаўленыя ў межах акцыі, – карысныя крыніцы навуковай і прафесійнай тэрміналогіі сучаснай беларускай мовы.

Падзяліцца