Андрэй Юркоў адседзеў 22 сутак. Вось як ён цяпер выглядае

Вечарам у панядзелак 21 верасня грамадскі актывіст Андрэй Юркоў выйшаў на волю. Ён адбываў адміністрацыйнае пакаранне 22 сутак. Ля будынка ізалятара яго сустракалі сябры.

Андрэя Юркова затрымалі 30 жніўня пасля мірнай акцыі ў Горках. Яго пакаралі 15 суткамі адміністрацыйнага арышту. Гэты тэрмін мусіў завяршыцца 14 верасня. Але Юркову давялося адседзець яшчэ сем дзён. Яны засталіся ад мінулага прысуду, які быў вынесены пасля затрымання ля Горацкага райвыканкама 10 жніўня. Тады Юркова вызвалілі датэрмінова 15 жніўня.