нядз, 23.01.2022
horki.info в Viber horki.info в Instagram horki.info в Одноклассниках horki.info в ВК horki.info вFacebook horki.info в Twitter Новости horki.info по почте

Як рукапіс ператвараецца ў кнігу, а таксама асаблівасці краўдфандынгу і прамоцыі. У Беларусі стартуе першае літаратурнае рэаліці

10.02.2020 – 13:43 | 170

Беларускіх аматараў літаратуры чакае магчымасць пазнаёміцца з унутранай "кухняй" літаратурнага працэсу. 14 лютага пачнецца першае літаратурнае рэаліці ў Беларусі.

З нагоды падрыхтоўкі сваёй новай кнігі "Пімкі", пісьменнік Кірыл Стаселька пачынае рэаліці-праект у сацыяльных сетках. Пераважная частка праекта будзе рэалізавана ў instagram у фармаце сторыз. Апроч падрабязнасцей і цікавостак пра свой новы тэкст, аўтар таксама будзе распавядаць пра тое, як рукапіс ператвараецца ў кнігу, выдавецкія этапы, асаблівасці літаратурнага краўдфандынгу і прамоцыі.

"Нягледзячы на тое, што сучасны свет імкнецца да сцірання межаў ва ўсіх сферах, многія аўтары працягваюць хавацца і ствараць рознага кшталту перагародкі між сабой і чытачамі. Развіццё камунікатыўных тэхналогій дазваляе больш шчыльна камунікаваць, у тым ліку, з чытачамі. Гэта добрая тэндэнцыя, добрая магчымасць, якую варта не абмінаць", – Каментуе Кірыл Стаселька.

Акрамя таго, гледачоў чакаюць інтэрактыўныя фарматы, магчымасць уплываць на працэс, задаваць пытанні пісьменніку, удзельнічаць у віктарынах і конкурсах, атрымаць прыемныя падарункі.

Сачыць за рэаліці можна з 14 лютага ў instagram-акаўнце пісьменніка @kirylian або праз хэштэг #Пімкі.

Падзяліцца