Уваход
Лесвіца-вышыванка, якая з'явілася ў Горках у маі, стала не толькі ўпрыгожаннем нашага горада, першым арт-аб'ектам, але і ўлюбёным месцам для фота. Тут сэлфі ды здымкі на памяць робяць мясцовыя жыхары і турысты. Нашы падпісчыкі ў Instagram падзяліліся сваімі фота на фоне лесвіцы з народным арнаментам.
Сёння па ўсёй Беларусі адзначаюць Дзень вышыванкi. У праграме свята на Магілёўшчыне – выступы моладзевых калектываў, прэзентацыі работ рамеснікаў і народных майстроў, нацыянальныя стравы, інтэрактыўныя пляцоўкі, фотазоны і тэматычныя конкурсы.
Нацыянальны арнамент набірае ўсё большую папулярнасць, робіцца неад'емнай часткай афармлення вопраткі, прадметаў быту, візуальнай прасторы. Вышыванка – гэта не толькі патрыятычна, але і модна, стыльна сярод людзей рознага веку – адзначаецца на сайце Магілёўскага аблвыканкама.
Рэспубліканскі праект "Дзень вышыванкi" накіраваны на папулярызацыю традыцый, пашырэнне культурнай прасторы і духоўнай свядомасці беларусаў. Рэалізуецца з 2016 года. Галоўны сімвал свята – беларускі арнамент. Гэта малюнак-шыфр, які здаўна стаў для нашага народу своеасаблівым абярэгам.
Глядзіце па тэме:
► Фотовыставки в автобусах и лестница-вышиванка. Какие идеи предложили жители Горок для своего города?
► У Горках дарабілі лесвіцу-вышыванку – палюбуйцеся!
► Кому нужно сказать спасибо за лестницу-вышиванку в Горках?
Падзяліцца
1 269
