нядз, 22.09.2019
USD2.04|EUR2.26|RUB3.20
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

Выпускнік БДСГА, які працаваў дырэктарам саўгаса, узначаліў БНФ

04.10.2017 – 23:17 | 1010 | 7

Новым старшынёй партыі БНФ стаў Рыгор Кастусёў. У 1982 годзе скончыў Беларускую сельска-гаспадарчую акадэмію па спецыяльнасці інжынер-механік. У 2010 быў кандыдатам у прэзідэнты Беларусі.

У мінулую суботу 30 верасня ў Мінску адбыўся ХVIII справаздачна-выбарчы з'езд Партыі БНФ "Адраджэньне". У ім прынялі ўдзел каля 170 дэлегатаў, 107 з іх прагаласавалі за новага старшыню, якім стаў Рыгор Кастусёў.

Новаму лідару партыі – 60 гадоў, ён нарадзіўся ў вёсцы Цяхцін Бялыніцкага раёна Магілёўскай вобласці. Служыў у войску, працаваў дырэктарам саўгаса "Іскра" Бялыніцкага раёна і Шклоўскага раённага аб'яднання жыллёва-камунальнай гаспадаркі. Тройчы абіраўся дэпутатам мясцовых Саветаў. Мае траіх дзяцей.

Партыя БНФ была заснавана ў 1993 годзе на базе грамадскага руху Беларускі народны фронт "Адраджэньне", які быў створаны ў 1988 годзе. БНФ выступае за незалежнасць Беларусі, дэмакратызацыю ўлады, адраджэнне беларускай мовы і культуры. Першым лідарам гэтай партыі быў Зянон Пазняк.

Антон Валодзька

Падзяліцца