пят, 18.10.2019
USD2.04|EUR2.26|RUB3.19
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

Чаму Беларусь нельга называць малой краінай

06.03.2016 – 11:30 | 640

Дзьве Партугаліі, тры Ірляндыі й пяць Швайцарый: чаму Беларусь нельга называць малой краінай.

 

1. Беларусь большая за 32 краіны Эўропы

На фоне гіганцкай Расеі і вялікай Украіны – другой па плошчы краіны Эўропы – Беларусь насамрэч выглядае як малая дзяржава. Але калі браць пад увагу краіны ўсёй Эўропы, толькі 12 з 45 большыя за Беларусь па памеры.

 

2. Кожная вобласьць – цэлая краіна

Мы прывялі прыклад краінаў, якія супадаюць па памеры з кожнай з шасьці абласьцей Беларусі. Прычым браліся далёка ня самыя малыя краіны Эўропы. Напрыклад, на тэрыторыі Берасьцейскай вобласьці можна было б зьмясьціць разам Славенію й Чарнагорыю. А Люксэмбург дык увогуле меншы за Рэчыцкі раён.

 

3. Хоцімск – горад узыходзячага сонца

Празь вялікі памер краіны ва ўсходніх і заходніх раёнах Беларусі час узыходу і заходу сонца розны. У Хоцімску – самым усходнім пункце Беларусі — сонца ўстае на 37 хвілін раней, чым у заходніх раёнах.

 

4. Праехаць празь Беларусь = праехаць 6 краін

Каб праехаць краіну з канца ў канец, трэба патраціць цэлы дзень. Так, шлях з Хоцімску ў Высокае – 741 км – займае 9 гадзін. Пераадолеўшы такі ж шлях дзе-небудзь у Заходняй Эўропе, можна перасекчы 3–4 краіны. А калі пастарацца – то нават 6!

 

5. Беларуская Скандынавія і беларускія тропікі

Беларусь месьціцца на сутыку кантынэнтальнага і марскога клімату, і таму ў краіне выдзяляюць чатыры прыродна-кліматычныя зоны. Яшчэ дзесяць год таму іх было тры. Але праз глябальнае пацяпленьне цяпер мы маем і амаль скандынаўскую поўнач, і амаль трапічнае Палесьсе. Пры жаданьні кожны можа падабраць найбольш утульны для сябе клімат.

svaboda.org

Падзяліцца