нядз, 20.10.2019
USD2.04|EUR2.27|RUB3.19
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

Выйшла новая “Бацькаўшчына”

14.06.2013 – 21:31 | 297

Свет пабачыў новы зборнік краязнаўчых матэрыялаў БДСГА.

Любоў да Радзімы і народа пачынаецца з любові да сваіх продкаў, з ведаў гісторыі і культуры, з цікавасці да людзей і іх працы.

Каб фарміраваць інтарэс да гісторыі сваёй малой радзімы, Горацкі раённы гісторыка-этнаграфічны музей сумесна з кафедрай гісторыі і культуралогіі БДСГА з 1994 г. праводзяць раённыя краязнаўчыя канферэнцыі. Па іх выніках выдаюцца зборнікі дакладаў і паведамленняў.

У красавіку 2013 г. свет пабачыў чарговы зборнік “Бацькаўшчына”, у якім змешчаны матэрыялы дзявятай канферэнцыі. Яна адбылася летась у лістападзе. У мерапрыемстве прынялі ўдзел супрацоўнікі музея, выкладчыкі і студэнты акадэміі, настаўнікі СШ №2 і гімназіі №1 горада.

Артыкулы размешчаны ў зборніку па трох секцыях: гісторыя акадэміі, сельскагаспадарчай навукі і адукацыі; гісторыя, археалогія і этнаграфія Горацкага краю; літаратурныя традыцыі Горацкага краю.

Выданне прымеркавана да двух юбілеяў: 10-годдзя факультэта бізнесу і права БДСГА і 50-годдзя кафедры гісторыі і культуралогіі. Цікава і тое, што выступы на канферэнцыі рабілі не выкладчыкі, а студэнты, не абыякавыя да гісторыі свайго роду, горада, краіны.

Зборнік разлічаны на людзей рознага ўзросту і розных прафесій, на ўсіх тых, хто цікавіцца краязнаўствам.

На жаль, “Бацькаўшчына” мае невялікі наклад. Пазнаёміцца з выданнем можна ў чытальнай залі раённай бібліятэкі, горацкім музеі, у бібліятэцы акадэміі, а таксама на кафедры гісторыі і культуралогіі.

Таццяна Караеўская

Падзяліцца