нядз, 15.09.2019
USD2.05|EUR2.28|RUB3.19
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

"Горкі" скрышылі Чэрыкаў, "Міраж" здабыў другую перамогу за сезон

02.08.2015 – 21:42 | 720

Абедзве горацкія каманды завяршылі 12 тур чэмпіяната Магілёўскай вобласці па футболе перамогамі.

На выходных на гарадскім стадыёне ў Горках адбываліся матчы з удзелам мясцовых дружын. У суботу другую перамогу за чэмпіянат здабыў аматарскі клуб "Міраж", адолеўшы Чавусы з лікам 1:0. Гол у браму праціўніка забіў Яўген Сувораў. Цяпер наша маладая каманда паднялася з апошняга радка турнірнай табліцы на перадапошні. Замыкае спіс удзельнікаў чэмпіяната ФК "Друць" з Бялынічаў, спартоўцы якога на мінулых выходных абвясціла пра сыход са спаборніцтваў.

У нядзелю ФК "Горкі" не даў супернікам з Чэрыкава ні кроплі надзеі на пазітыўнае завяршэнне сустрэчы. Усю гульню нашы байцы вялі і сышлі з поля, калі лік на табло быў 9:0 на нашу карысць.

Наступныя гульні для горацкіх футбалістаў – на выездзе. 22 жніўня "Міраж" згуляе ў Краснаполлі, а 23 жніўня "Горкі" – у Круглым.

Ягор Клішэвіч

Падзяліцца