суб, 24.08.2019
USD2.06|EUR2.28|RUB3.13
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

Горацкія каталікі адзначылі свята апякункі іхнага прыходу

22.09.2014 – 17:58 | 1358 | 1

У суботу 20 верасня ў Горках прайшло хрысціянскае свята Маці Божай Бялыніцкай.

У яе гонар названы мясцовы прыход, і толькі нядаўна Канферэнцыя Каталіцкіх Біскупаў Беларусі прызначыла гэты дзень літургічнага ўспаміну.

На свята ў Горкі прыехалі вернікі з Вілейкі (там некалі служыў цяпер ужо наш ксёндз Андрэй), святары Магілёўскага дэканату, са Шклова, Чавусаў, Крычава, Мсціслава, Оршы.

Удзельнікі пазнаёміліся з гістарычным нарысам парафіі, памаліліся падчас святой Імшы.

Пасля яе адбыліся адмысловыя малітвы перад іконай Маці Божай Бялыніцкай, і ўпершыню залунаў над капліцай гімн парафіі. Узнёслы малітоўны спеў стварыла паэтка і кампазітарка, бардка і адначасова арганістка парафіі святых Сымона і Алены ў Мінску Марыя Новікава.

“Літвы Хрыстовай Маці-Каралева,

Пад гук мальбы-Літаніі Святой

Глядзіш на нас, Бялыніцкая Дзева

І бласлаўляеш край адвечны Твой.

Бязвер’я ноч мінула – зноў світае,

Ў народзе нашым блік жыцця не згас.

Над Магілёўскім краем сонцам ззяе

Надзеі знак – Бялыніцкі абраз.

Успомняць сцежкі пілігрымаў крокі,

Успыхне памяць у народзе зноў.

Адкажуць рэхам белыя аблокі

Званам жывым Бялыніцкіх муроў.

Літвы Хрыстовай Маці-Каралева,

Пад гук мальбы-Літаніі Святой

Зірні на нас, Бялыніцкая Дзева,

І блаславі народ адданы Твой.”

На памятку аб святкаваннні кожны удзельнік атрымаў невялікі абразік Маці Божай Бялыніцкай.

Паводле kasciol.by

Падзяліцца