пят, 23.08.2019
USD2.06|EUR2.28|RUB3.11
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

Магілёў: запланаваны экалагічны пікет

29.06.2014 – 22:59 | 171

У Магілёве актывісты аргкамітэта БХД плануюць правесці пікет “За чысціню паветра”.

Адпаведную заяўку яны накіравалі ў Магілёўскі гарвыканкам.

Лідэр Магілёўскіх хрысціян-дэмакратаў Алег Аксёнаў кажа, што нагодай для правядзення пікета стала неабходнасць звярнуць чыноўнікам увагу на экалагічны стан горада.

- Былы гігат “Магілёўхімвалакно” нясе небяспеку, бо сам камбінат заканчвае сваё існаванне, а ў яго карпусах узнікаюць прыватныя прадпрыемствы з небяспечнымі выкідамі. Таксама ёсць звесткі, што пачынаецца будаўніцтва новага хімічнага прадпрыемства па кітайскай тэхналогіі. На фоне скарачэння фінансавання медыцыны – гэта небяспека для ўсіх жыхароў, таму мы і вырашылі правесці пікет, каб прыцягнуць увагу да экалогіі горада, - кажа Алег Аксёнаў.

Арганізатары плануюць правесці мерапрыемства 6 ліпеня ў цэнтры горада ў скверы каля Драматычнага тэатра.

Варта адзначыць, што за апошні год у горадзе не было дазволена ні адно масавае мерапрыемства, ініцыятарамі якіх выступілі дэмакратычныя сілы горада.

spring96.org