пят, 23.08.2019
USD2.06|EUR2.28|RUB3.11
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

Працоўныя ў Бялынічах папрасілі правесці суботнік?

04.04.2014 – 12:51 | 373 | 3

Бялыніцкі райвыканкам падтрымаў хадайніцтва шэрагу працоўных калектываў аб правядзенні суботніка.

Пра гэта ўладу нібыта папрасілі калектыў БУКП “Жылкамгас”, ПМК-241, аддзел адукацыі спорту і турызму райвыканкама, устаноў адукацыі Бялыніцкага раёна.

Суботнік адбудзецца 5 красавіка.

Мэтай абвешчана правядзенне і выкананне работ па добраўпарадкаванні і навядзенні належнага парадку на тэрыторыі раёна. Акрамя гэтага, грашовыя сродкі, якія працаўнікі заробяць на суботніку, будуць пералічаны на добраўпарадкаванне Бялынічаў і сельскіх населеных пунктаў раёна.

Аднак не ўсё так проста. Бялыніцкі журналіст Барыс Вырвіч пакуль не знайшоў нікога з рабочых, хто б насамрэч прасіўся на суботнік.

“Я паразмаўляў з цэлым шэрагам працаўнікоў ПМК-241, камунгаса, школ раёна і нават супрацоўнікаў райвыканкама і не знайшоў ніводнага, хто б ініцыяваў правядзенне гэтага “добраахвотнага” суботніка па навядзенні парадку на зямлі з дадатковым да гэтага “добраахвотным” пералічэннем грошай за гэтае сумніўнае задавальненне, – цытуе словы Вырвіча spring96.org. – Гэта тым больш смешна, бо з наступленнем цёплых дзён супрацоўнікі бюджэтных і іншых арганізацый Бялыніцкага раёна літаральна кожны дзень наводзяць парадак на зямлі ў працоўны час, і не толькі, высякаючы хмызняк, прыбіраючы фермы, дарогі, вуліцы і г. д.

Па інфармацыі spring96.org