пан, 19.08.2019
USD2.05|EUR2.27|RUB3.10
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

На сустрэчы з кандыдатамі дрыбінскія выбаршчыкі не сказалі ні слова

15.03.2014 – 18:20 | 793 | 7

У пятніцу 14 сакавіка ў Дрыбінскім раённым цэнтры культуры адбылася сустрэча кандыдатаў у дэпутаты з выбаршчыкамі. Перад грамадзянамі выступілі вылучэнцы ў абласны і раённы Саветы.

Выступы кандыдатаў у Дрыбіне грамадзяне сустрэлі маўчаннем.

Відовішча цяжка было назваць яркім і запамінальным. Кандыдаты распавялі пра сваю біяграфію, некаторыя з іх абяцалі стаць звяном паміж уладай і выбаршчыкамі, гаварылі, што даваць абяцанняў не будуць – пакуль не абраныя.

Адзін з кандыдатаў адзначыў: "Калі выберыце мяне - вялікі вам дзякуй. Калі ж не выберыце - то яшчэ лепей!" Гэтыя словы людзі сустрэлі апладысментамі.

У цэлым прысутныя ў залі мясцовыя жыхары адрэагавалі на сустрэчу маўчаннем. Людзі не задалі ніводнага пытання.

Андрэй Юркоў, якога не першы раз выбаршчыкі вылучылі ў кандыдаты шляхам збору подпісаў, заявіў, што ставіць на мэце абарону інтарэсаў грамадзянаў перад уладай.

"Кепска, што ў нашых Саветах няма альтэрнатыўных меркаванняў і незалежных ад чыноўнікаў людзей. Таму, напэўна, і няма ў народу асаблівай цікавасці да мясцовых выбараў, – выказаў сваё меркаванне Юркоў.

"Змены ў выбарчым заканадаўстве, якія гарантуюць прадстаўніку кожнага кандыдата месца ў камісіях усіх узроўняў, могуць адновіць цікавасць да выбараў і зробяць нашы Саветы рэальнымі прадстаўнічымі органамі, – упэўнены кандыдат.

Алеся Пятровік