суб, 24.08.2019
USD2.06|EUR2.28|RUB3.13
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

Стала вядома, колькі людзей у Расіі і Беларусі ў наш час жывуць без каналізацыі

05.04.2019 – 18:59 | 1063

Больш за 22% расейскіх хатніх гаспадарак, ці больш як пятая частка жыхароў Расеі да гэтага часу ня маюць доступу да цэнтралізаванай каналізацыі, піша "РБК" са спасылкай на Расстат.

У Беларусі каналізацыі ня маюць 6,6% насельніцтва, вынікае са зьвестак Белстату (PDF).

16,8% расейцаў карыстаюцца выграбнымі ямамі, а ў 5,8% сыстэмы каналізацыі наогул няма. Яшчэ каля 12,6% расейцаў паведамілі, што ня маюць прыбіральні ў сваёй кватэры ці доме, у якім жывуць: яны карыстаюцца санвузламі агульнага карыстаньня (напрыклад, у камунальнай кватэры), або маюць прыбіральню ў асобным будынку.

У асноўным без каналізацыі жывуць людзі ў вёсках: пра адсутнасьць гэтага віду выгод паведамілі сацыёлягам 66,5% расейцаў, якія пражываюць у сельскай мясцовасьці.

Паводле інфармацыі Нацыянальнага статыстычнага камітэту Беларусі, у 2018 годзе ўдзельная вага хатніх гаспадарак, абсталяваных каналізацыяй, склала 93,4%. Якая там сыстэма каналізацыі – цэнтральная ці індывідуальная, Белстат не ўдакладняе.

Няма і разьбіўкі па гарадзкім і сельскім насельніцтве (старонка 127 Статыстычнага штогодніка 2018). Але з ранейшых зьвестак Белстату вядома, што на 2016 год каналізацыю мелі 91,9% гарадскога насельніцтва і 37,9% сельскага.

У апошнія гады ў Беларусі адбываецца стабільны рост колькасьці гаспадарак з каналізацыяй – у 2010 годзе такіх было толькі 84,7%.

Падзяліцца