нядз, 18.08.2019
USD2.05|EUR2.27|RUB3.10
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

У Горках студэнтаў і супрацоўнікаў акадэміі павіншавалі з Днём Волі (фота)

22.03.2019 – 10:16 | 832

Ранкам 22 сакавіка горацкія актывісты павіншавалі студэнтаў і супрацоўнікаў БДСГА з Днём Волі і 101-годдзем абвяшчэння незалежнасці Беларускай Народнай Рэспублікі.

Мінакам раздалі маляўнічы комікс "Давайце замуцім краіну". Гэта жартаўлівая гісторыя пра тое, што не было б БНР, калі б з будучыні ў мінулае не трапілі два мінскія студэнты з мікрараёна Малінаўка Антось ды Янка.

dv_1.jpg

Чаму 25 сакавіка – важная дата нашай гісторыі?

Аб незалежнасці беларускай дзяржавы заявіла Рада Першага Усебеларускага з'езду. Ён адбыўся ў снежні 1917 г. і сабраў каля 2000 дэлегатаў з усёй краіны. Дарэчы, старшынёй з'езду быў Янка Серада. З ліпеня 1925 г. па снежань 1929 г. Серада працаваў у Горках дацэнтам Беларускай акадэміі сельскай і лясной гаспадаркі, выкладаў ветэрынарыю і зоагігіену.

25 сакавіка 1918 г. Рада прыняла трэцюю Устаўную грамату. У ёй Беларуская Народная Рэспубліка абвяшчалася незалежнай дзяржавай.

Дзякуючы гэтаму пазней паўстала БССР, а на мапе свету зараз ёсць наша Радзіма – Рэспубліка Беларусь.

dv_2.jpg

dv_3.jpg

dv_4.jpg

Фота: Вольга Арлец

Глядзіце па тэме:

► 100 лет Белорусской Народной Республике. Все, что об этом надо знать

► "Без этих знаний я вполне могу обойтись". Что студенты БГСХА знают о БНР?