нядз, 18.08.2019
USD2.05|EUR2.27|RUB3.10
Горкі, Дрыбін, Мсціслаў у Viber Горкі, Дрыбін, Мсціслаў у Instagram Горкі, Дрыбін, Мсціслаў у Аднакласніках Горкі, Дрыбін, Мсціслаў ва УКантакце Горкі, Дрыбін, Мсціслаў у Twitter Горкі, Дрыбін, Мсціслаў у Facebook Атрымлівай нашы навіны на e-mail

Супраць расійскіх авіябаз? Шэсць мільёнаў штрафа!

29.01.2014 – 15:18 | 243 | 1

Намеснік старшыні Свабоднага прафсаюза Беларускага падаў наглядную скаргу на імя старшыні Магілёўскага абласнога суда.

Ён просіць адмяніць рашэнне суда Ленінскага раёна Магілёва, які 29 кастрычніка 2013 года вынес яму штраф у памеры 5 850 000 рублёў за парушэнне Закона “Аб СМІ”.

8 верасня Юрый Новікаў, разам з іншымі дэмакратычнымі актывістамі, збіраў подпісы супраць Расійскіх авіябаз на вуліцы Ленінскай у цэнтры Магілёва. Пасля таго, як збор подпісаў скончыўся, да актывіста падыйшлі міліцыянты і затрымалі яго.

Суд палічыў, што ўлёткі і падпісныя лісты, якія былі ў Новікава пры затрыманні з’яўляюцца сродкамі масавай інфармацыі і прысудзіў яму штраф. Магілёўскі абласны суд таксама не стаў на бок дэмакрата.

Магілёўскія праваабаронцы з рашэннем суда катэгарычна нязгодны і лічаць падобны суд палітычным працэсам.

spring96.org