Уваход
У аграгарадку Ляскавічы Петрыкаўскага раёна 17 жніўня пройдзе VIII Міжнародны фестываль этнакультурных традыцый "Кліч Палесся".
У фэсце будуць удзельнічаць творчыя калектывы, майстры і рамеснікі з Прыпяцкага Палесся. Будуць прадстаўлены 8 раёнаў Гомельскай вобласці: Жыткавіцкі, Ельскі, Калінкавіцкі, Лельчыцкі, Мазырскі, Нараўлянскі, Петрыкаўскі, Хойніцкі, а таксама 4 раёны Брэсцкай абрасці: Іванаўскі, Лунінецкі, Пінскі, Столінскі і горад Пінск.
Госці свята змогуць паслухаць выступы аўтэнтычных калектываў, паглядзець конкурс "Палеская Прыгажуня – 2024". Запланаваны абласны конкурс драўлянай скульптуры "Ажыўшая даўніна", выстава "Паляванне і рыбалоўства", конкурс "Самы моцны паляшук".
Яшчэ ў праграме фестывалю "Кліч Палесся":
- тэматычная лакацыя "Палессе – партызанскі край",
- кінатэатр пад адкрытым небам,
- "ЭтнаЗоаФэст",
- творчая сустрэча з пісьменнікамі,
- дыялогавая пляцоўка аб развіцці турызму,
- вячэрняя моладзевая танцавальна-забаўляльная праграма,
- гала-канцэрт II адкрытага конкурсу аматарскіх харавых калектываў і вакальных ансамбляў народнай манеры выканання "КаверХорШоу",
- феерверк.
Акрамя таго, будуць працаваць падворкі кожнага палескага рэгіёну.
Падзяліцца
52
