Уваход
Да 130-годдзя з дня нараджэння Максіма Багдановіча бібліятэка БДСГА арганізавала сеткавую акцыю "Чытаем Багдановіча разам". I запрашае ўсіх жадаючых прыняць удзел!
Што для гэтага патрэбна?
- Запісаць на відэа, як вы выразна чытаеце любы любімы твор Багдановіча.
- Апублікаваць гэты ролік на сваіх старонках у сацыяльных сетках з хэштэгам #чытаем_Багдановіча_разам.
- Адзначыць старонку @biblioteka_academy або даслаць вiдэа на электронную пошту [email protected] з паметкай "Чытаем Багдановіча разам".
Чытайце разам з намі Багдановіча!
Максiм Багдановіч – беларускі паэт, публіцыст, літаратурны крытык, перакладчык, літаратуразнавец; класік беларускай літаратуры, адзін са стваральнікаў беларускай літаратуры і сучаснай літаратурнай беларускай мовы. Выступаў як крытык і гісторык літаратуры, распачаў традыцыі беларускага мастацкага перакладу. Спадчына Максіма Багдановіча ўвайшла ў залаты фонд беларускай культуры.
Падзяліцца
276
