Уваход
У чацвер 20 лютага ў актавай зале "Прытулачак" (Дзіцячая школа мастацтваў і вакальна-харавога майстэрства, Горкі, вул.Якубоўскага, 40) пройдзе літаратурна-музычная вечарына "У родным слове – сэрца пачуццё". Імпрэза прысвечана Дню роднай мовы, які адзначаецца ва ўсім свеце 21 лютага.
Пачатак а 12 гадзіне. Уваход вольны.
Гэты дзень правільна называць Днём матчынай мовы (па-англійску – International Mother Language Day, па-французску – la Journée internationale de la langue maternelle). Менавіта пад такой назвай ён быў абвешчаны Генеральнай канферэнцыяй ЮНЕСКА ў лістападзе 1999 года.
Мэта дня – заахвоціць моўную разнастайнасць і шматмоўную адукацыю, паспрыяць усведамленню моўных ды культурных традыцый, якія грунтуюцца на ўзаемаразуменні, цярпімасці і дыялогу.
ЮНЕСКА мае намер стварыць сістэму, якая адсочвае стан моў, што знаходзяцца пад пагрозай знікнення, і садзейнічаць выпраўленню становішча.
Падзяліцца
4 713
