Уваход
Чым Горкі і Горацкі раён можа зацікавіць сённяшняга турыста-суайчынніка і турыста-замежніка? Высветлім гэта 8 лістапада на афлайнавым ток-шоу ад кампаніі "Будзьма беларусамі!"
Турызм, як сёння любяць казаць, бывае розны: культурніцкі, экалагічны, падзейны, гастранамічны, медыцынскі, паломніцкі, прыгодніцкі… Крытэры і падыходы кожны вызначае для сябе сам.
Што ж цікавага могуць прапанаваць Горкі турыстам? Запрашаем высветліць гэта 8 лістапада разам з адмыслоўцамі ў сферы турызму, краязнаўства, культуры, маркетынгу на афлайнавым ток-шоу пад назвай "Турыстычная прывабнасць горада: якія моцныя бакі маюць Горкі?".
Гаворка будзе ісці ў трох кірунках:
- гарадское асяроддзе і турыстычная інфраструктура: як горад сустракае сваіх гасцей і наколькі ўтульна ім на вуліцах Горак?
- гістарычна-культурніцкая спадчына: што з архітэктурных адметнасцяў, помнікаў удала пазіцыянуецца, а што несправядліва застаецца па-за турыстычнымі маршрутамі?
- падзейны турызм: якія мерапрыемствы прэтэндуюць на званне візітоўкі горада?
Запрашаюцца ўсе цікаўныя!
Дата: 8 лістапада (чацвер).
Месца: канферэнц-зала моладзевага культурна-забаўляльнага цэнтра "Амфітэатр" па адрасе: Горкі, Мічурына, 4а.
Пачатак: 18:00.
436
