|
Сярэдні заробак у Горацкім раёне за студзень-снежань 2009 году склаў 789,2 тысячы рублёў. Гэта азначае, што ў параўнанні з 2008 годам мы сталі атрымліваць на 16,3% больш. Аднак гэта, так званы, намінальны заробак. Рэальны ж заробак (з улікам росту цэнаў) павялічыўся на 2,9%. У сярэднім жа па Беларусі летась людзі атрымлівалі па 998,3 тысячы рублёў – так сведчаць лічбы Нацыянальнага статыстычнага камітэту. Рэальны ж сярэднебеларускі заробак за мінулы год зменшыўся на 0,4%. Так што Горацкі раён на фоне краіны выглядае няблага.
А вось як мы зараблялі ў снежні 2009 году, дадзеныя прыведзены ў тысячах рублёў.
Намінальны заробак па галінах эканомікі Горацкага раёну за снежань 2009 году
Крыніца: Горацкі раённы аддзел статыстыкі.
Як бачна, меней за ўсё мелі грошай у сваіх кішэнях працаўнікі сяла. А менавіта ад іх залежыць ці будзе ў краме хлеб, малако і кілбасы. Не далёка ад сялян адарваліся медыцынскія работнікі, у руках якіх здароўе і жыццё нашых грамадзянаў. Па статыстычных звестках горацкія дактары ў снежні 2009 году зарабілі 1475,7 тысяч рублёў, а сярэдні медыцынскі персанал – 744,4.
Значна лепей сярэдні снежаньскі заробак выглядае ў сферы адукацыі. Трэба адзначыць, што прафесарска-выкладчыцкі састаў акадэміі ў сярэднім меў 1376, 9 тысяч рублёў, а настаўнікі – па 838,5. Зусім добра ў апошнім месяцы мінулага году было працаваць на транспарце і ў будаўніцтве. Аднак у лідэрах – сфера фінансаў, крэдыту і страхавання. Сярэдні заробак у гэтай галіне ў два з паловай разы большы, чым у сельскай гаспадарцы або медыцыне.
Ілля Заранок, паводле інфармацыі аддзелу статыстыкі Горацкага райвыканкаму
|
Каментарыi