Мэта круглага стала ў актывізацыі публічнага ды адкрытага абмеркаваньня тэмы разьвіцьця малых гарадоў і рэгіёнаў Беларусі, пашырэньне кола пытаньняў і праблемаў, якія ўздымаюцца.

Круглы стол будзе прысьвечаны пытаньням арганізацыі камунікацыі й умоваў яе разьвіцьця, ды іх стратэгіям.

Пад час круглага стала плянуюцца:

1. Выступы па наступных тэматычных пытаньнях:

- перашкоды і бар'еры камунікацыі ў малых гарадох (па выніках дасьледваньня малых гарадоў),

- стан і дынаміка разьвіцьця рэгіянальных інтэрнэт-сетак,

- сайты малых гарадоў, як альтэрнатыўная прастора камунікацыі (па выніках дасьледваньня сайтаў),

- вопыт арганізацыі рэгіянальных інтэрнэт-рэсурсаў.

2. Дыскусія з удзелам зацікаўленых бакоў па пытаньнях:

- прыярытэты мясцовага разьвіцьця й месца камунікацыі сярод іх,

- пэрспэктывы й стратэгіі камунікацыі й узаемадзеяньня дзяржаўных і недзяржаўных суб'ектаў гарадзкога й рэгіянальнага разьвіцьця,

- патэнцыял разьвіцьця розных сродкаў і відаў камунікацыі ў малых гарадох і рэгіёнах,

- задачы й арыентыры ў разьвіцьці інтэрнэт-камунікацыі ў малых гарадох і рэгіёнах ды інш.

Каб прыняць удзел, неабходна даслаць заяўку з пазначэньнем прозьвішча, імя; сувязі з пытаньнямі, якія будуць абмяркоўвацца (прадстаўніцтва арганізацыяў, групаў, удзел у праектах альбо ініцыятывах і г.д.); кароткіх тэзісаў, якія будуць выносіцца на дыскусію; кантактнай інфармацыі. Канчатковая праграма круглага стала будзе складзеная на аснове заявак.

Апошні тэрмін падачы заявак: 15 ліпеня. Заяўкі дасылайце на адрас: Гэты e-mail абаронены ад спам-ботаў. Для яго прагляду ў Вашым браўзеры павінна быць уключана падтрымка Java-script ; Гэты e-mail абаронены ад спам-ботаў. Для яго прагляду ў Вашым браўзеры павінна быць уключана падтрымка Java-script

Каардынатар Круглага стала Юлія Галіноўская, тэл./факс (017) 2454118; маб. (029) 6840709 (пн.-пт., з 10:00 да 18:00)