У суботу 25 лістапада Аляксандр Мілінкевіч будзе званіць у кватэры жыхароў Горак. Былы кандыдат у прэзідэнты на мясцовых выбарах будзе збіраць подпісы за 230 кандыдатаў у дэпутаты. Шмат хто з гэтых кандыдатаў збіраў подпісы за Мілінкевіча на прэзідэнцкіх выбарах. Двое з іх балатуюцца ў Горках.

  На пытанне “Камсамольскай праўды ў Беларусі” адказаў прэс-сакратар палітыка Павал Мажэйка.

- І што, Аляксандр Мілінкевіч будзе па кватэрах хадзіць?

- Па кватэрах, па дамах, па раёнах, потым пойдзе завяраць сабраныя подпісы ў мясцовых уладаў. У нейкім сэнсе гэта піар-акцыя. Гэтак ён будзе сустракацца з нашымі актывістам, выбарцамі.

Так што чакаем Мілінкевіча ў госці.