Горацкія жаночыя актывісткі пачалі серыю экалагічных чытанняў па школах горада сярод вучняў сярэдніх і старэйшых класаў. Ужо прайшлі імпрэзы ў СШ№1 і гімназіі №1.

Падчас сустрэчы жанчыны распавялі пра сусветную акцыю “Гадзіна зямлі”, пра глабальнае пацяпленне, пра неабходнасць ашчадна ставіцца да беларускай прыроды, берагчы вычарпальныя рэсурсы. Кожны ўдзельнік атрымаў адмыслова вырабленыя буклеты з парадамі як эканоміць электраэнергію і ваду ў хатніх умовах.