 Беларуская дзяржаўная сельскагаспадарчая акадэмія працягвае прымаць на падрыхтоўчыя курсы. З 24 лістапада па 3 снежня 2009 году пачынаюць працу дзённыя курсы для абітурыентаў, якія паступаюць ва УА «БДСГА» на завочнае аддзяленне на ўсе спецыяльнасці.
Курсы будуць праводзіцца па прадметах: беларуская, руская і замежныя мовы (англійская, нямецкая, французская), хімія, фізіка, матэматыка, грамадазнаўства, раслінаводства, земляробства, кармленне сельскагаспадарчых жывёл, развядзенне сельскагаспадарчых жывёл, сельскагаспадарчыя машыны, тэхналогія механізаваных работ, аналіз гаспадарчай дзейнасці, бухгалтарскі ўлік, эканоміка прадпрыемства, арганізацыя вытворчасці.
Запіс на курсы пачынаецца з 2 лістапада, а заканчваецца 23 лістапада. Даведацца падрабязней можна па тэлефоне (8-02233) 5-94-65.
Таксама працягваецца набор на дзённае падрыхтоўчае аддзяленне для тых, хто ў 2010 годзе збіраецца здаваць цэнтралізаванае тэсціраванне.
На дзённае падрыхтоўчае аддзяленне прымаюцца асобы, якія маюць завершаную сярэднюю адукацыю. Тэрмін навучання – восем месяцаў (з 1 лістапада па 1 ліпеня). Падрыхтоўка вядзецца для паступлення ў акадэмію на ўсе факультэты. Залічэнне на падрыхтоўчае аддзяленне адбываецца па выніках сумоўя па прадметах уступных іспытаў у БДСГА.
Навучанне платнае і каштуе 220 умоўных адзінак. Аднак задарма прымаюцца сіроты, інваліды і асобы, якія пражываюць у Чарнобыльскай зоне, што павінна быць пацверджана адпаведнымі дакументамі. Іншагароднім даецца інтэрнат. Камплектаванне групаў ажыццяўляецца да 20 кастрычніка. |
