Сямёра моладзевых актывістаў правялі святочную акцыю на тэрыторыі Горацкай сельскагаспадарчай акадэміі. Яны раздалі студэнтам спецвыпуск газеты “Горацкі выбар”, прысвечаны абвяшчэнню незалежнасці Беларускай Народнай Рэспублікі, і віншавальныя паштоўкі.

“Мы пачалі сваю акцыю а палове на восьмую, калі студэнты ішлі на заняткі. За гадзіну мы раздалі каля дзвюх тысяч адзінак друкаванай прадукцыі. Студэнты ахвотна разбіралі нашыя святочныя гасцінцы. Яны жыва рэагавалі на артыкул былога выкладчыка акадэміі, кандыдата гістарычных навук Аляксандра Каданчыка. У ім гісторык выклаў сваё бачанне падзеяў, звязаных з абвяшчэннем Беларускай Народнай Рэспублікі, а таксама на тое, чым ёсць БНР для сённяшняй Беларусі”,- паведаміў пра акцыю яе ўдзельнік Эдуард Брокараў.

Інцыдэнтаў з адміністрацыяй акадэміі й міліцыяй за час акцыі не было.

svaboda.org