Паводле дырэктара службы навінаў “Белсату” Аляксея Дзікавіцкага, у планах тэлеканалу шаснаццацігадзіннае вяшчанне.

- Фармат такі, што - як шмат якія тэлебачанні ў свеце - мы пачынаем з тэставага вяшчання. Гэта значыць, што будуць некалькі гадзінных блокаў, якія будуць паўтарацца. Што тычыцца далейшай сітуацыі, то мы плануем у наступным годзе перайсці на шаснаццацігадзіннае вяшчанне.

У “Белсату” ўжо ёсць карэспандэнты ва ўсіх рэгіёнах Беларусі, якія, як плануецца, пададуць дакументы па акрэдытацыю ў Міністэрства замежных справаў Беларусі. Аднак, як кажа Дзікавіцкі, апроч навінаў на канале будуць праграмы самай рознай скіраванасці: гісторыя, культура, эканоміка, спорт. А вось чаго не будзе на канале, як мінімум, бліжэйшы час, дык гэта камерцыйнай рэкламы.

Вадзім ДОЎНАР