У Грунвальдзе (Польшча), дзе днямі адзначаліся 600-я ўгодкі аднайменнай бітвы, лідэр Руху “За Свабоду” Аляксандр Мілінкевіч прымерыў на сябе даспехі сярэдневяковага ваяра.

Ва ўрачыстасцях, прысвечаных юбілею перамогі ў Грунвальдскай бітве, удзельнічалі прэзідэнт Польшчы Браніслаў Камароўскі, прэзідэнтка Літвы Даля Грыбаўскайтэ, а таксама старшыня Еўрапарламенту Ежы Бузэк.

15 ліпеня 1410 пры вёсцы Грунвальд адбылася буйная бітва паміж Тэўтонскім ордэнам і аб’яднанымі войскамі Польшчы і ВКЛ. У баталіі прынялі ўдзел 50 польскіх харугваў і 40 харугваў ВКЛ. У войску княства было толькі 4 харугвы з этнічна літоўскіх земляў, 36 з земляў Русі (у т.л. 28 – беларускіх і 8 – украінскіх).

svaboda.org