 Дрыбінскі раён знаходзіцца на паўночным усходзе Магілёўскай вобласці. Заснаваны 17 ліпеня 1924 году, быў скарочаны ў 1935 і 1959 гадах. У сучасных межах адноўлены ў 1989 годзе. Займае плошчу, роўную 800 км2 Насельніцтва складае каля 16.9 тысяч чалавек.
У межах раёна размешчанае мястэчка Дрыбін, 6 сельскіх Саветаў, 104 сельскія населеныя пункты.
Прамысловасць раёна прэзентаваная прадпрыемствамі харчовай галіны. Галоўныя галіны сельскай гаспадаркі: мясамалочная жывёлагадоўля, вырошчванне зерневых і кармавых культураў, бульбы.
Па тэрыторыі раёна праходзяць чыгунка Орша-Крычаў, аўтадарога Магілёў-Мсціслаў, нафтаправод Унеча-Полацк.
У раёне дзейнічае 8 сярэдніх, 2 базавыя, 4 пачатковыя школы, Раснянская дапаможная школа-інтэрнат, музычная школа, 9 дашкольных установаў, 14 бібліятэк, 14 клубаў, 3 клубы-бібліятэкі, раённы цэнтр культуры, 4 бальніцы, 9 фельдшарска-акушэрных пункты.
Помнікі архітэктуры: Пакроўская царква (1845 г.), мемарыял у памяць пра выступленне ў 1905 годзе сялян супраць памешчыка ў вёсцы Кішчыцы; захаваныя часткі будынку касцёла святога Казіміра эпохі класіцызму (1818 г.) і сядзіба (канец XIX ст.) у вёсцы Расна. На тэрыторыі Дрыбіншчыны размешчаны гісторыка-краязнаўчы музей.
З поўначы на поўдзень Дрыбінскага раёна працякае рака Проня з прытокамі Раста, Бася, Быстрая, Вярбоўка. На некаторых малых рэках створаны вадасховішча і пруды. Дзейнічаюць гідралагічныя заказнікі: “Брацтва” (73,1 га), “Галамукскае” (153 га), “Жаваньскае” (144 га), “Жаваньскі мох” (123 га); паляўнічыя заказнікі: “Раснянскае” (2650 га), “Даманоўскі” (1364 га).
Карысныя выкапні: пясок, гравій, гліна для грубай керамікі.
|
