Серыю трэнінгаў і тэматычных сустрэч правядуць на базе Магілёўскага дзяржаўнага універсітэта імя А. Куляшова псіхолагі валанцёрскага клуба «Рука дапамогі», прадстаўнікі экалагічнага аб'яднання «ЭНДО», грамадскага аб'яднання прадпрымальнікаў Магілёўскай вобласці. Творчыя сустрэчы «Трэнінгавага цэнтра «Квадратны апельсін» (філіял у Магілёве) дазволяць больш падрабязна даведацца пра адукацыйныя паслугі, якія прадстаўляюцца камерцыйнымі арганізацыямі.

На прэзентацыю слайд-фільма «Нямецкі след у гісторыі і культуры Магілёўшчыны» і дыскусію на гэту малавядомую тэму запрашае ГА «Лекарскі саюз». Трэнінгі, тэматычныя круглыя сталы, майстар-класы правядуць таксама Цэнтр сацыяльнага абслугоўвання Ленінскага р-на Магілева, ГА «Могилевский женский центр поддержки и самообразования», Тэрытарыяльны цэнтр сацыяльнага абслугоўвання г.Крычава.

У Мсціслаўскім раёне - Падсолтаўская сярэдняя школа, Ходасаўская сярэдняя школа і Забалоцкі вучэбна-педагагічны комплекс дзіцячы сад – сярэдняя школа.

Азнаёміцца з падрабязнай праграмай Тыдня НФА-2011, а таксама даведацца пра месца і час правядзення розных мерапрыемстваў можна на сайтах www.adukatar.net, www.zautra.by, www.eurobelarus.info, www.n-europe.eu, www.dvv-international.by.