Пашпарт рэгіёну: мультымедыйная версія
 Выданне знаёміць шырокае кола чытачоў з паўночна-ўсходняй часткай Магілёўскай вобласці, а менавіта з Горацкім, Дрыбінскім і Мсціслаўскім раёнамі. Разглядаецца дэмаграфічны стан, геаграфія, якасць жыцця, эканамічнае развіццё, прамысловасць, сельская гаспадарка, сфера паслугаў, культура, сродкі масавай інфармацыі. Разлічана на мясцовых жыхароў, унутраных і знешніх інвестараў, турыстаў. Звесткі прадстаўлены за 2008-2009 гады. Націсніце на малюнак і скачайце.
Спецвыпуск “Узгорку”
 Як правіла, бытавымі ўмовамі прынята называць тое, што знаходзіцца ўнутры нашай кватэры. Давядзіся, напрыклад, якой-небудзь уладнай камісіі ажыццявіць праверку асобна ўзятага грамадзяніна на прадмет, скажам, абгрунтаванасці яго прэтэнзіяў на паляпшэнне жыллёвых умоваў, то камісія наўрад ці будзе звяртаць увагу на тое, у якім абутку гэты небарака дабіраецца да свайго жытла і колькі шышак на ілбе ў яго з’явілася ў апошнім квартале з прычыны адсутнасці асвятлення ў пад’ездзе і на асобна ўзятай вуліцы. Пра ўсім знаёмыя мясцовыя праблемы і шляхі іх вырашэння, а таксама пра тое, як жыхары Горак змагаюцца за паляпшэнне сваіх камунальных ды бытавых умоваў і перамагаюць распавядае на старонках адмыслова падрыхтаванага нумару незалежная Горацкая газета.
Стратэгія рэгіянальнага развіцця
 Унікальнае выданне “Стратэгія эканамічнага развіцця Горацкага рэгіёну” пабачыла свет.
Асноўная мэта укладальнікаў канцэпцыі стварэнне такой гаспадарчай структуры раёна, каторая будзе расці няспынна і устойліва, каб людзі жылі заможна і годна.
Асноўным крытэрыям абрання згаданых прыярытэтаў ёсць якасць жыцця насельніцтва. Крытэрыямі эфектыўнасці рэалізацыі як стратэгіі гэтак і асобных мерапрыемстваў дзеля укладальнікаў ёсць рэальны прыбытак сярэдняй сям’і ў Горацкім раёне і працягласць жыцця насельніцтва.
Аўтарамі кнігі сталі кандыдат тэхнічных навук Уладзімір Гарбачоў, кандыдат гістарычных навук Аляксандр Каданчык, эканаміст-мэнэджэр Андрэй Юркоў, вучоны аграном-эканаміст Мікалай Юркоў. Навуковая рэдакцыя выдання належыць вядомаму беларускаму эканамісту Міхалу Залескаму.
Горацкі раён: апісальна-аналітычная частка стратэгіі рэгіянальнага развіцця
 Апісальна-аналітычная частка стратэгіі рэгіянальнага развіцця Горацкага раёну - першы крок на шляху распрацоўкі бізнес-плану для Горак і ваколіцаў.
Кніга складаецца з наступных раздзелаў: гістарычны агляд, сацыяльна-эканамічнае развіццё Горацкага раёну, аналіз рынку сродкаў масавай інфармацыі, Беларуская дзяржаўная сельскагаспадарчая акадэмія і падрыхтоўка кадраў для АПК Беларусі.
Асноўнымі тэмамі аналізу сталі дэмаграфічныя праблемы раёну, жыллёвыя ўмовы і будаўніцтва, спажывецкі рынак, прамысловасць, сельская гаспадарка, фінансы. Частка кнігі прысвечана гістарычнаму шляху Горацкай зямлі.
Сярод аўтараў выдання – Уладзімір Гарбачоў, метадыст першай катэгорыі навукова-даследчай лабараторыі “Маніторынгу навучальнага працэсу і якасці падрыхтоўкі спецыялістаў” БДСГА, Мікалай Юркоў, вучоны аграном-эканаміст, дырэктар СПК “Дрыбінскі” ў 1973 – 2001 гг., Аляксандр Каданчык, дацэнт кафедры “Гісторыі і культуралогіі” БДСГА, Андрэй Юркоў, эканаміст-менеджэр, грамадскі і палітычны дзеяч раёну.
Мясцовыя праблемы: моладзевы погляд. ДАВЕДНІК
 Змяшчае інфармацыю па методыцы вызначэння праблемаў на лакальным узроўні і пошуках іх вырашэння. Аснову выдання складаюць вынікі даследавання, праведзенага сярод моладзі Горак Магілёўскай вобласці.
Выказваем падзяку супрацоўнікам установы “Агенцтва рэгіянальнага развіцця і міжрэгіянальнага супрацоўніцтва” Віталю Макаранку і Зміцеру Салаўёву за падрыхтоўку тэарэтычнай часткі.
© Калектыў аўтараў. Распаўсюджваецца бясплатна. Горкі, 2005.
|
