У пятніцу ў Мсціславе ў гісторыка-археалагічным музеі адкрыецца экспазіцыя аршанскага мастака-графіка Паўла Сідаровіча.
"Літаразнаўства" – так называецца гэты творчы праект – ужо пабыў у Оршы, Талачыне, Гомелі ды працягвае падарожнічаць па краіне.
Праект прымеркаваны да 85-годдзя Уладзіміра Караткевіча.
У горадзе рыцарскіх турніраў выстава прабудзе ажно да 20 жніўня.
Адкрыццё: 12 чэрвеня а 14:30 па адрасе: г. Мсціслаў, вуліца Калініна, 49.